PAGPAPAKILALA
ni Danny Gallardo
Ang unang liwanag ay nasilayan ko
Sa lugar na ngala'y Luingsod-Olongapo,
Subalit sa Iba ay lumaki ako,
Nangarap tumula't sumulat ng kwento.
Dahil ako'y merong dugong manunulat
Nang magkaisip na'y natutong mangarap,
Dahil ang mundo ko'y daigdig-panulat
Ay natuto akong sa pluma humawak.
Nagbuhat sa angkan ni Jose Gallardo,
Ang tinaguriang Hari ng Parnaso,
Siya ay may-akdang nobelang Pampango
Na merong pamagat na Burac a Gintu.
Ngayon sa mundo kong maganda't makulay,
Sadyang hinahabi ang awit ng buhay,
At sa daigdig ko na kinalalagyan
Ay kayang liparin pati kalawakan.
Ngunit sa paglipad ay tinatapunan
Ng sulyap ang bakas na 'king pinagmulan,
Pagkat di marating ang paroroonan
Kung hindi lilingon sa pinanggalingan.
Burac a Gintu - Golden Mire
Danny - 09/07/2015
by Danny Gallardo ©2009
All contain are from original Author
Any Production/copywriting without consent is prohibited