ANG BUHAY AY TULAD NG ISANG DAGAT
ni Danny Gallardo
Bakit ba ang buhay ay maalong dagat
Na yaong hiwaga'y hindi madalumat?
Kaya nga't kung ika'y sadyang lumalayag
Sa dagat ng buhay dapat na mag-ingat.
Ewan ba kung bakit may kahiwagaang
Sadyang bumabalot sa anyo ng buhay?
Minsan sa ilalim, minsan sa ibabaw,
Ang buhay talaga di maintindihan.
Laot man ng dagat kapagka arukin
Kailangan munang ito ay layagin,
Ang pampang ng dagat bago mo marating
Ay maraming unos munang daraanin.
Danny 09/02/2015
by Danny Gallardo ©2015
All contain are from original Author
Any Production/copywriting without consent is prohibited